SuperaFavor do "non-practicantismo"

o Laboratorio de Ideas Avanzadas de Inseminario (LIAI) quere recoñecer o labor do catolicismo. Si, si, do catolicismo, leron vostedes ben. o catolicismo fai anos que incorporou un concepto vangardista e inseminario (valga a redundancia) que é o do "non-practicantismo", é dicir, un podía ser católico non-practicante e beneficiarse así das grandes vantaxes de ser católico pero ao mesmo tempo ter as vantaxes de non ter que practicalo.
sen dúbida é unha concepción avanzada da militancia. vexamos algún exemplo:

• vexetariano non practicante (ideal para os amantes do churrasco)
• socialista non practicante (ideal para os militantes do psoe)
• ecoloxista non practicante (ideal para o ecoloxismo da Región Gallega)
• comunista non practicante (ideal para empresarios con resíduos de conciencia)
• solidario non practicante (ideal para os guais)
• honesto non practicante (para todo o mundo)
• feminista non practicante (maltratadores e mulleres pusilánimes) e incluso
• SuFaTisTa non practicante!!! (outro terrorismo é posíbel).
  

LIAI