Super A Favor do Tunning Galego

Existe un tunning galego? contundentemente, a resposta é Si. De feito podemos considerar que hoxe por hoxe a Región Gallega é o lugar con máis Tunning do mundo mundial. Vexamos.

nível 1: Non hai galego bo sen que no seu coche (vehículo, auto ou carro) sexa posta unha pegatina branca coas misteriosas letras GZ.

nível 2: repítese o GZ pero esta vez xa coa pegatina azul pequena a a carón da matrícula.

nível 3: unha pegatina negra cunha banda azul coas verbas NUNCA MAIS en branco. Suponse que denota pertenza tanto á Región como a algún tipo de secta metafísica.

nível 4: miniatura dos típicos zocos da Región Gallega colgados do espello retrovisor.

nível 5: gaita en miniatura colgada do espello retrovisor.

nível 6: símboloxía céltica irlandesa (?) en forma de autocolante (ou carro-colante).

nível 7: gran autocolante coa bandeira da Región Gallega cunha gran estrella vermella no seu centro. Denota pertenza á Región e máis a algún tipo de sindicato ruso do crime des-organizado.

O Colectivo Inseminario amosa o seu apoio absoluto ao Tunning Galego: todos os carros galegos levaran os 7 níveis completos de tal xeito que todos acadarán exactamente a mesma personalización.

Sociedade para o Desenvolvemento do Tunning Galego (SDTG)

baixo a supervisión do Comité Super a Favor da Igualdade (CSFI)